आपल्यासाठी हवी असणारी एखादी वस्तू किंवा गोष्ट निवडणं,खरं तर एक कलाच आहे नाही का ? जी गोष्ट मनापासून करायला आपल्याला आवडते तीच स्वीकारण्या योग्य मानावी ! मग तो एखादा, सुंदर विचारहि असू शकतो.याच विचाराने प्रेरित होऊन,लहानांन पासून मोठ्या पर्यंत सर्वांना, सर्वार्थान उपयोगी होऊ शकेल असं काही ऑडीओ आणि व्हिडीओ माध्यमातून प्रकाशित आणि प्रसारित करण्याचा आम्ही नित्य प्रयत्न करीत असतो.

                मित्रांनो,वारसा किंवा परंपरे सारख्या गोष्टी नुसत्याच जपायच्या नसतात, किंवा त्यांचा पोकळ अभिमानही बाळगायचा नसतो.खरोखरच त्यांना आपलं धन मानून, त्यांच्यावर डोळस प्रेम करायचं असतं.संग्रहालयात बंद करून,धूळ वाऱ्यापासून परंपरेला वाचविता येईल खरं,पण आपल्या माणशी,आपल्या सांस्कृतिक व्यवहाराशी, तीचं नातच जुळल नाही, तर आपण मात्र 'वाचणार' नाही.

​

              खरं तर, साहित्य संगीत चित्रकला शिल्पकला लोक चित्रकला, किंवा अगदी अलीकडच्या काळातील प्रचलित अनेक दर्जेदार नाटक आणि चित्रपट हा सगळा आजवर आपल्याला लाभलेला, समृध्द आणि श्रीमंत असा वारसा आहे. चांगला माणूस होण्यासाठी म्हणून,आपल्याला या सगळ्यांच भान असणंहि गरजेच आहे.स्वतःला आणि इतरांना जाणून घेण्यासाठी,आवश्यक असणारी समज आपल्यात येण्याकरिता,माणसाची जीवसृष्टी कशी चहु अंगांनी घडावी लागते ! कारण तसं झाल तरच, माणूस म्हणून आपलं जगणं अधिक समंजस, शहाण आणि अधिकाधिक उदार होत जातं.याच आशयान प्रेरित होऊन दृक श्राव्य माध्यमाद्वारे सर्वोपयोगी ठरेल अश्या उपक्रमांची निर्मिती करून,ते सर्व व्हिडीओज ऑनलाईन मिडियातून प्रकाशित करून ते महाराष्ट्रभरातील रसिक प्रेक्षकांपर्यंत पोहोचाविण्यासाठी प्रयत्न करणे एवढीच आमची प्रायोगिक भूमिका.